HUMITAAS AN ATON TARIPA HAN KURYENTE HAN YANA NGA BULAN HAN APRIL kumpara han naglabay nga mga bulan (January, February ngan March).
An aton Taripa (Power Rate) nag iiba-iba kada bulan depende ini han sukot han Power Plants o Power Suppliers nga ansya an naghihimo hin kuryente.
An SAMELCO II napalit la hin kuryente ha Power Suppliers. Kun pira an an sukot han Power Suppliers ngadi ha SAMELCO II, asya la liwat an ginsusukot ha mga Member-Consumer-Owners (MCOs).
An sukot han mga Power Suppliers makikita naton ha aton Bill, ito nga GENERATION CHARGE.
Aadi an aton Power Rates han January, February, March ngan April:
JANUARY 2021
Residential – P 7.8397
Sakub hini an Generation Charge nga P 3.1456
FEBRUARY 2021
Residential – P 10.2353
Sakub hini an Generation Charge nga P 4.8814
MARCH 2021
Residential – P 10.2962
Sakub hini an Generation Charge nga P 4.7974
APRIL 2021
Residential – P 10.6306
Sakub hini an Generation Charge nga P 5.1901, kun diin P 0.3927 an umento kumpara han Generation Charge han March
WARAY KONTROL an SAMELCO II han pagkwenta ngan pagsukot han GENERATION CHARGE kay an mga POWER SUPPLIERS an nagbubu-ot hini.
An iba nga Member-Consumer-Owners (MCOs), daku an posibilidad nga NAGHIHILABA an ORAS HAN PAG GAMIT HAN MGA APPLIANCES ngan usa ini nga rason han pag hitaas han Power Bill. Tungod han kamapaso han panahon, kadam-an han mga MCOs napaandar han mga Appliances sugad han Aircon, Electric Fan, Refrigerator, nga diri man unta naton ini nagkakagagamit dida han mahagkot pa an panahon sugad han naglabay nga December, January ngan tubtob hini nga February pa ngani.
An taripa han SAMELCO II mayda katugutan han Energy Regulatory Commission (ERC) ngan nag aagi ini hin mahugot nga proseso antis igpatuman.
Protektado kita nga mga MCOs nga an aton guibabaydan han bill han kuryente guinpapanginano kada bulan han ERC.
An aton konsumo han kuryente ginsusukol han aton kuntador, ngan amo an basehan han SAMELCO II ha pagsukot ha aton.
Waray dugang, waray kulang.
Damo nga Salamat.