PADAYON kita PAGTIPID han aton KONSUMO han KURYENTE
May ESTIMATED P2.00 plus nga UMENTO ha aton Bill yana nga bulan JANUARY 2026
nga titikangan pag-Reading tinikangan hit January 24.
TUNGOD ini han HITAAS NGA PRESYO han Kuryente han WHOLESALE ELECTRICITY SPOT MARKET o WESM dida han naglabay nga bulan.
WARAY CONTROL an SAMELCO II ha kada pag-uumento han WESM.
Nag-umento an kanan WESM rate han LINE LOSS CONGESTION COST (LLCC) nga ansya an rason han hitaas nga presyo han kuryente.
Natabo an pag-umento han LLCC dida han nagkulang an supply han kuryente ha Visayas dida han naglabay nga bulan, tungod han pag stop han operations han pipira nga mga power plants ha Visayas area.
Kun nahitaas an presyo han kuryente ha WESM, nahitaas an GENERATION CHARGE dida hit aton Power Bill.
An GENERATION CHARGE amo an kaparte han aton Bill nga ansya an SUKOT han aton mga Power Suppliers o adton mga kompanya nga naghihimo hin kuryente.
Labot la hini nga mga kompanya han Power Suppliers, napalit liwat kita hin kuryente ha WESM agud igdugang ha aton kinahanglan nga kuryente.
PASS-ON ini nga GENERATION CHARGE. Karuyag sidngon, KUN PIRA AN KANTIDAD NGA SUKOT han mga Power Suppliers, ANSYA LA LIWAT AN SUKOT han SAMELCO II ngadi ha aton nga mga Member-Consumer-Owners (MCOs). Waray sobra, waray kulang.
An nasusukot han SAMELCO II tikang hini nga GENERATION CHARGE nga kaparte hit aton Bill, largo la liwat GIN-REREMIT han SAMELCO II ngadto ha mga natutuinan nga mga Power Suppliers ngan ha operator han WESM.
An kaparte han aton Bill nga para ha SAMELCO II, amo an DISTRIBUTION, SUPPLY AND METERING CHARGES o gintatawag nga DSM.
P2.0750 per kilowatthour la ini nga DSM ngan WARAY PA INI MAG-UMENTO TIKANG PA HAN TUIG 2010. Pananglitan, kun P12.00 kada kilowatthour an power rate, P2.0750 gud la ini it para ha SAMELCO II.
Utro nga nagpapahinumdum an SAMELCO II nga PADAYON KITA PAGTIPID HAN KONSUMO HAN KURYENTE agud aton MAAKOS an aton Baraydan han aton Power Bill.
###
